Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда яшәүчеләр авыл ипотекасы программасы буенча 5 млрд сумнан артык акча алды
Татарстанда 2,3 меңнән артык гаилә авыл җирендә ташламалы шартларда күчемсез милек сатып алып, авыл ипотекасы программасыннан файдаланган.
(Казан, 2 август, «Татар-информ»). Татарстанда 2,3 меңнән артык гаилә авыл җирендә ташламалы шартларда күчемсез милек сатып алып, авыл ипотекасы программасыннан файдаланган. Кредит оешмасы бу максатларга 5 млрд сумнан артык акча бүлеп биргән инде, дип хәбәр итә Татарстан Республикасы Авыл хуҗалыгы һәм азык-төлек министрлыгының матбугат хезмәте.
Банктан хәбәр итүләренчә, мондый кредитның уртача чегы 2,2 млн сум тәшкил итә.
«Авылда туып-үстем, шуңа күрә шәхси йортта яшәргә яратам. Биредә уңайлы да, тыныч та. Хәзер авыл ипотекасы буенча яңа йорт сатып алдым һәм сөенеп бетә алмыйм», — дип уртаклашты программада катнашучыларның берсе - Питрәч районында яшәүче Гүзәлия Хәсәнова.
Ипотеканы Россия территориясендә даими яки вакытлыча теркәлгән һәм 21 яше тулган кешеләр ала ала. 25 елга кадәр бирелә торган кредит суммасы 3 млн сумга кадәр. Беренчел взнос 10 процент тәшкил итәргә тиеш.
Кызыклы яңалыкларны күзәтеп бару өчен Телеграм-каналга язылыгыз