Әгерҗедә җәй көне бал экофестивале узачак

Фестивальдә баллы чәкчәк пешерү осталыгы бәйгесе оештырылачак.

(Әгерҗе, 1 май, “Татар-информ”, “Әгерҗе хәбәрләре”). 12 августта Татарстанның Әгерҗе районында бал экофестивале узачак, дип хәбәр итә “Әгерҗе хәбәрләре” газетасы.

Шәһәр ипподромында үтәчәк фестиваль программасында бал һәм бал продуктлары ярминкәсеннән тыш, баллы татар ризыгы – чәкчәк пешерү осталыгына бәйге оештыру планлаштырыла. Бал бәйрәмендә халык һөнәрчелеге күргәзмәсе дә узачак.