Җәмгыять 26 май 2022 00:16

Әгерҗедә Балаларны яклау көнен бәйрәм итәргә җыеналар

Скопировать ссылку

1 июньдә, Халыкара балаларны яклау көнендә, Әгерҗе районының нәниләре өчен бик күп кызыклы чаралар узачак. Бәйрәм 1 июнь көнне 18:30 сәгатьтә «Яшьлек» паркында башланачак.

Программада «Холи буяулары» традицион фестивале, яшь башкаручылар концерты, DJ Ranis дискотекасы каралган. Бу турыда «Әгерҗе хәбәрләре» сайтында хәбәр ителә.

Кызыклы уеннар һәм конкурслар, күргәзмәләр, мастер-класслар, һава шарларыннан бүләкләр, картоннан эшләнмәләр ясау планлаштырылган.

Спорт-күңел ачу программалары да старт алачак. Бәйрәм олылар өчен дә, яшь кунаклар өчен дә күңелле тәэсирләр генә калдырыр дип ышанасы килә.

Шулай ук артистлар күңелле кәеф бүләк итәчәк, алар рус, татар җырларын һәм дәртле биюләрен башкарачак.

Сәхифәләр

Әгерҗедә Балаларны яклау көнен бәйрәм итәргә җыеналар