Җәмгыять 10 ноябрь 2024 07:23

Әгерҗе районында иң талантлы гаиләләр осталыкта сыналды

Скопировать ссылку

Гаилә елында Әгерҗе районы балалар бакчалары арасында «Талант гаиләдә туа» исемле чара үтте. Анда 1нче, 4нче, 6нчы, 7нче, 8нче, Кичкетаң урта мәктәбенең мәктәпкәчә тәрбия төркеменнән һәм Тирсә балалар бакчасыннан Мойсееноклар, Газетдиновлар, Зарифуллиннар, Камалтиновлар, Александровлар, Гончаровлар һәм Атеевлар гаиләләре катнашты. Бу хакта «Әгерҗе хәбәрләре» газетасы яза.

Балалар әти-әниләре, апа-абыйлары, әбиләре белән бергәләп «Визит карточкасы», «Безнең талантлар», «Гаилә иҗаты» бәйгеләрендә сыналдылар. Җыр-бию, шигырь сөйләүдән тыш, алар гаилә ядкарьләрен тәкъдим иттеләр, мавыгулары, шөгыльләре турында сөйләделәр.

Бәйгедә Кичкетан урта мәктәбенең мәктәпкәчә тәрбия төркеменнән Гончаровлар гаиләсе җиңү яулады. Калган катнашучылар төрле номинацияләрдә бүләкләнделәр, диелә хәбәрдә.

Сәхифәләр

Әгерҗе районында иң талантлы гаиләләр осталыкта сыналды