Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аерылышуларның гадиләштерелгән тәртибен закон чыгару дәрәҗәсендә бетерергә кирәк - ТР Президенты
Рөстәм Миңнеханов Татарстан Хөкүмәтенә бу мәсьәлә буенча бердәм җаваплылык үзәген формалаштыруны йөкләде
(Казан, 28 сентябрь, «Татар-информ», Люция Камалова). Аерылышуларның гадиләштерелгән тәртибен закон чыгару дәрәҗәсендә бетерергә кирәк. Бу хакта бүген Татарстан Президенты Рөстәм Миңнеханов республика парламентына еллык юллама белән мөрәҗәгатендә игълан итте.
Гомумән, республика лидеры сүзләренә караганда, Татарстанда, төрле социаль программаларны гамәлгә ашыру буенча үткәрелә торган эшләр нәтиҗәсендә, берничә ел рәттән туучылар саны арту күзәтелә. "Өч, дүрт, биш балалы гаиләләр саны арта. Безнең бурыч - мондый гаиләләргә ярдәм итү", - дип билгеләп үтте Р.Миңнеханов.
Ул шулай ук, яңа корылган гаиләләрнең 40 проценты таркалуына аерым игътибар итеп: "Гаиләләрне саклау буенча комплекслы чаралар кабул итү зарур. Аерылышырга гариза бирүнең һәр очрагын анализларга кирәк", - диде ТР Президенты.
Шулай ук ныклы гаиләне пропагандалау ихтыяҗы һәм бу мәсьәләдә ММЧ зур роль уйнавы турында да искәртте.
"Аерылышуларның гадиләштерелгән тәртибен закон чыгару дәрәҗәсендә бетерергә кирәк. Гомумән, гаилә сәясәте мәсьәләләренә аерым игътибар бирү зарур. Республика Хөкүмәтенә бу мәсьәлә буенча бердәм үзәк формалаштыруны йөклим", - дип әлеге мәсьәләдә фикерен тәмамлады Миңнеханов.
Кызыклы яңалыкларны күзәтеп бару өчен Телеграм-каналга язылыгыз