Җәмгыять 8 ноябрь 2005 16:11

9 ай эчендә “Әлмәт-Су каналы” ААҖдә зыян өч миллион тирәсе тәшкил иткән

Скопировать ссылку

(Әлмәт, 8 ноябрь, “Татар-информ”, Марат Бәдретдинов). 9 ай эчендә “Әлмәт-Су каналы” ААҖдә зыян өч миллион тирәсе тәшкил иткән. Бу хакта предприятие Директорлар советы утырышында җәмгыятьнең генераль директоры Наил Шәмсетдинов хәбәр итте. Бу чор эчендә кредитор бурычы да шул күләмдә кыскарган. Предприятие белән күптән түнел җитәкчелек итә башлаган Н.Шәмсетдинов билгеләп үткәнчә, дебиторларга даими рәвештә дәгъва белдерәләр, кайберләренә карата Арбитраж судына бурычны каплау турында иск гаризалары бирелгән.

Директорлар советына объектларны модернизацияләү һәм реконструкцияләү планы тәкъдим ителде. Аерым алганда, предприятиенең Директорлар советы рәисе Ришат Әбүбәкеров “Су каналы” җитәкчелеге алдында түбәндәге бурычларны куйды: су бүлгечләрдә басымны көйләү җайланмалары урнаштырырга, үткәргеч торбаларда су югалуны киметү һәм 30 ноябрьгә кадәр су белән тәэмин итүгә тарифларны киметү программасын эшкәртү.

Сәхифәләр

9 ай эчендә “Әлмәт-Су каналы” ААҖдә зыян өч миллион тирәсе тәшкил иткән