ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Хәвеф-хәтәр

Чаллыда исерек кыз дустына пычак кадаган

10 ноябрь 2019, 16:01

Хатын-кызлар арасында бәхәс 26нчы комплекстагы фатирларның берсендә булган.

(Казан, 10 ноябрь, «Татар-информ»). Чаллыда исерек кыз, көнләшеп, дустына пычак белән кадаган, ә аннары үзе үк табибларны чакырган. Бу хакта «Челнинские известия» хәбәр итә.

Хатын - кызлар арасында бәхәс 26нчы комплекстагы фатирларның берсендә булган. Кичке аш вакытында салмыш кызлар бәхәсләшеп киткән. Фатирның 44 яшьлек хуҗабикәсе кулына кухня пычагын алган һәм 36 яшьлек кунак хатынның корсагына чәнчегән. Шуннан соң ул табибларга шалтыраткан.

Зыян күрүчене хастаханәгә салганнар. Хатын-кызның талагына зыян килгән, хәзер ул табиблар күзәтүендә.

Һөҗүм итүчегә карата аңлы рәвештә сәламәтлеккә авыр зыян китерү турында эш кузгатылган. Аңа сигез елга кадәр колониягә хөкем ителү яный.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10