ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Фән һәм мәгариф

Татарстанда «Ел студенты» премиясенә гаризалар кабул ителә

10 ноябрь 2019, 13:06 , Фото: архив/Рамиль Гали

Татарстанда «Ел студенты» премиясенә гаризалар кабул ителә «Ел студенты» премиясе югары нәтиҗә күрсәткән аерым студентка яки студентлар коллективына бирелә.

(Казан, 10 ноябрь, "Татар-информ"). Татарстанда «Ел студенты» еллык премиясендә катнашу өчен гаризаларны оештыру комитетына 15 ноябрьгә кадәр тапшырып була. Биредә теләге булган һәркем катнаша ала. Бу турыда ТР Мәгариф һәм фән министрлыгы матбугат хезмәте хәбәр итте.

«Ел студенты» премиясе 2019 елда югары нәтиҗәләр күрсәткән аерым студентларга яки студентлар коллективларына биреләчәк. Бәйге 18 номинациядә була. Төп номинация - «Ел студенты» Гран-прие, гадәттәгечә, студент тормышының барлык юнәлешләрендә уңышка ирешкән студентка биреләчәк.

Конкурсантлардан гаризалар 15 ноябрьгә кадәр studgrant.ru сайтында электрон рәвештә кабул ителә. 29 ноябрьгә кадәр экспертлар гаризаларга читтән торып бәя бирәчәк, ә 2 декабрьдән катнашучыларның ачык презентацияләре башланачак.

«Ел студенты» конкурсы 2020 елның 25 гыйнварында, Россия студентлары көнендә төгәлләнәчәк. Премиядә җиңүчеләрнең исемнәрен студентлар, оешма, предприятие һәм хакимият органнары җитәкчеләре катнашында узачак тантаналы чарада тәкъдим ителә, диелә хәбәрдә.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10