ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Авыл

Татарстан халкын авыл хуҗалыгы ярминкәләренә чакыралар

8 ноябрь 2019, 21:24 , Фото: архив/Александр Эшкинин

Татарстан халкын авыл хуҗалыгы ярминкәләренә чакыралар
Көзге ярминкәләр 14 сентябрьдә старт алды һәм Яңа елга кадәр атна саен үткәреләчәк.

(Казан, 8 ноябрь, «Татар-информ»). Шимбә көнне, 9 ноябрьдә, Казанда, Чаллыда һәм Яшел Үзән районының Октябрьский поселогында («Яңа Тура» сәүдә-ярминкә комплексы) авыл хуҗалыгы ярминкәләре узачак. Бу хакта Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр итә.

Республика халкын авыл хуҗалыгы продукциясен арзан бәяләрдән сатып алырга чакыралар. Ярминкәләрдә шәһәр халкы ит, казылык продукциясе, төрле сөт, сыр, май, йомырка, яшелчә, бал, шикәр, он, ярмалар һәм Татарстан муниципаль районнарыннан китерелгән башка фермер продукциясе сатып ала алачак.

Көзге ярминкәләр 14 сентябрьдә старт алды һәм Яңа елга кадәр һәр атна саен үткәреләчәк.

«Татар-информ» мәгълүмат агентлыгы элек хәбәр иткәнчә, Татарстан авыл хуҗалыгы һәм азык-төлек министрлыгында ярминкәләрне үткәрү мәсьәләләрендә буенча кайнар телефон линиясе ачылды. (843) 221-76-23, 221-76-24 телефоннары буенча ярминкәләрне үткәрү адресларын, продукция ассортиментын ачыкларга, үз теләкләрегезне калдырырга була.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10