ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Дин

Мөфти шәех Равил Гайнетдин җитәкчелегендәге делегация Гомрә кылды

8 ноябрь 2019, 16:41

Мөфти илләр һәм халыклар арасында дустанә мөнәсәбәтләрне ныгыту һәм үстерү, шулай ук Ватаныбызның чәчәк атуын сорап дога кылды.

(Казан, 8 ноябрь, «Татар-информ»). Россия Мөфтиләр шурасы һәм Россия мөселманнарының Диния нәзарәте делегациясе мөфти шәех Равил Гайнетдин җитәкчелегендә Җиддәдән Мәккәгә килде һәм алар кече хаҗ - Гомрә кылды.

Делегация составында мөфти урынбасарлары Рушан Аббәсов, Дамир Мөхетдинов һәм Рәфыйк Фәттахетдинов, департамент җитәкчесе Динар Гайнетдинов һәм Россия Диния нәзарәтенең Халыкара департаменты җитәкчесе Илдар Галиев бар.

Кече хаҗ кылганнан соң мөфти шәех Равил Гайнетдин Аллаһы Тәгаләдән иман, сәламәтлек, иминлек һәм иманлы нәсел дәвамчылары сорап, изге догалар укыды. Россия мөселманнарының дини лидеры илләр һәм халыклар арасында дустанә мөнәсәбәтләрне ныгыту һәм үстерү, шулай ук Ватаныбызның чәчәк атуын сорап дога кылды.

  • Гомрә - кече хаҗ. Гарәп теленнән гомрә сүзе «бару, сәфәр» дип тәрҗемә ителә. Гомрә кылу өчен билгеле бер вакыт юк, шуңа күрә аны ел дәвамында башкарырга мөмкин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10