ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Мәдәният

Баулыда "Җәлил укулары" халыкара әдәби бәйгесенең район туры узды

8 ноябрь 2019, 09:12

Баулы укучылары биш номинациядә чыгыш ясады.

(Казан, 8 ноябрь, "Татар-информ"). Кичә Баулыда, 6 нчы санлы мәктәпнең данлыклы Муса Җәлил музеенда, “Җәлил укулары” халыкара әдәби бәйгесенең район туры узды. Бу турыда "Бөтендөнья татар конгрессы" матбугат хезмәте хәбәр итә.

Бәйгедә Баулы укучылары биш номинациядә чыгыш ясады. Алар - “М.Җәлил әсәрен татар телендә башкару”, “М.Җәлил әсәрен рус телендә башкару”, “М.Җәлил дөнья телләрендә”, “Фронтовиклар әсәрен татар телендә башкару” һәм “Яшь җәлилчеләр”.

Чарага мөхтәрәм кунак – Муса Җәлил уникаль музеен булдырган кеше, ветеран укытучы, Муса Җәлилнең исемен аклауга, иҗатын өйрәнүгә күп көч куйган язучы Рафаэль Мостафинның бертуган сеңлесе Светлана Гобәйдуллина да килде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10