ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Хәвеф-хәтәр

Әлмәттә юл һәләкәте ясаучы машинасын урлаулары турында хәбәр иткән

8 ноябрь 2019, 02:21

Суд аңа 15 000 сум күләмендәге штраф рәвешендә җәза билгеләгән.

(Әлмәт, 8 ноябрь, "Татар-информ", "Әлмәт таңнары"). Әлмәттә яшәүче 41 яшьлек ир-ат җинаять кылу турында ялган хәбәр биргән өчен хөкем ителгән. Шул рәвешле ир юл-транспорт һәлакәте өчен җаваплылыктан качарга ниятләгән булган. Бу турыда район басмасы хәбәр итә.

Шәһәр прокуратурасы 41 яшьлек әлмәтлегә карата җинаять эше буенча дәүләт гаепләвен хуплады. Суд аны җинаять кылуда гаепле дип таныды.

- Судта ачыкланганча, 2019 елның 11 апрелендә хөкем ителүче ЮХИДИ бүлеге инспекторына йорт янында торучы автомобиленең ачыкланмаган зат тарафыннан урланганын хәбәр итә. Ә чынлыкта ул 2019 елның 6 апрелендә әлеге автомобиль белән идарә итеп, юл читендә торучы башка 4 автомобиль белән бәрелешүе һәм җинаять урыныннан качып китккән була, – дип хәбәр итте прокурор ярдәмчесе Гөлия Мөхәммәтҗанова.

Ул үз гаебен таныган. Суд аңа 15 000 сум күләмендәге штраф рәвешендә җәза билгеләгән. Хөкем карары законлы көченә кергән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10