ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Икътисад

Татарстан ел башыннан бирле дәүләт милкендә 415 млн сум акча эшләгән

7 ноябрь 2019, 21:10

Октябрь ахырына бюджет йөкләмәсе 71 процентка үтәлде.

(Казан, 7 ноябрь, «Татар-информ»). Татарстан ел башыннан дәүләт милкендә 415 миллион сум акча эшләгән, октябрь ахырына бюджет йөкләмәсе 71,1 процентка үтәлгән. Бу хакта Татарстан Җир һәм мөлкәт мөнәсәбәтләре министрлыгы матбугат хезмәте хәбәр итә.

«2019 елның 31 октябренә Татарстан Республикасы бюджетына кергән дәүләт милкеннән һәм җир кишәрлекләреннән файдаланудан һәм сатудан кергән салым булмаган керемнәр 415,88 млн сум тәшкил итте», – диделәр ведомствода.

Шул ук вакытта республика мөлкәтне арендалаудан 82,1 млн сум акча алган, план 135 процентка үтәлгән. Җирне арендалаудан 70 млн сумнан бераз кимрәк акча кергән (план 100,6% ка үтәлгән).

Сервитуттан кергән табыш 2,74 млн сум тәшкил иткән, бу планның 123,4 проценты. Ә милекне сатудан 45,3 млн сум алынган, ягъни планның 181,3 процентын тәшкил итә.

Моннан тыш, ышанычлы идарә Татарстан бюджетына 56,6 млн сум акча китергән, бу планның 90,3 проценты. Шул ук вакытта дивидендлар 113,6 млн сум тәшкил иткән – план 84,5 процентка үтәлгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10