ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Икътисад

Казанда турист электрон паспортын эшләтеп җибәрәчәкләр

7 ноябрь 2019, 19:48 , Фото: Рамиль Гали

Казанда турист электрон паспортын эшләтеп җибәрәчәкләр
 Проектта Россиянең төньяк-көнбатыш төбәкләре катнаша.

(Казан, 7 ноябрь, «Татар-информ», Диана Авакян). Россиянең төньяк-көнбатыш төбәкләрендә декабрьдә «Турист электрон паспорты» проектын тормышка ашыру башланачак. Бу хакта Казанда узган «Россиянең бренд маршрутларында музейлар» пленар сессиясендә мәгълүмати-туристлык оешмаларының Милли ассоциациясе директоры Михаил Ушаков белдерде.

Проектта катнашу сәяхәтчеләргә баллар эшләргә һәм призлар алырга мөмкинлек бирәчәк. «Бу проект, һәр төбәктә теркәлгәндә, кешенең үз смартфонында субъектта ниләр баруы турында мәгълүмат алу мөмкинлеге булуы белән мөһим», - дип сөйләде ул.

Электрон паспортны туристлык-мәгълүмат үзәгендә «Россиянең көмеш муенсасы» маршрутының 11 төбәгенең берсендә теркәргә мөмкин. Платформа төп мессенджерларда эшләячәк. Баллар истәлекле урыннардан яисә туристлык-мәгълүмат үзәгеннән тасвирлама белән һәр җибәрелгән фотосурәт өчен исәпләнә.

«Россиянең көмеш муенсасы» Төньяк-Көнбатыш федераль округы составына керүче 11 төбәкне: Санкт-Петербург, Архангельск, Вологда, Калининград, Ленинград, Мурманск, Псков һәм Новгород өлкәләре, Карелия һәм Коми республикалары, шулай ук Ненец автономияле округын берләштерә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10