ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Мәдәният

Эльмира Кәлимуллина белән Эльмир Низамов яңа музыкаль альбом чыгарган

7 ноябрь 2019, 13:12 , Фото: архив/Салават Камалетдинов

Эльмира Кәлимуллина белән Эльмир Низамов яңа музыкаль альбом чыгарган Музыкаль альбом Татарстан Конституциясе бәйрәм ителгән көнне дөнья күрде.

(Казан, 7 ноябрь, «Татар-информ», Рузилә Мөхәммәтова).Татарстанның атказанган артисты Эльмира Кәлимуллина белән танылган композитор Эльмир Низамовның «Рәхмәт сиңа» дип аталган музыкаль альбомы Татарстан Конституциясе бәйрәм ителгән көнне дөнья күрде. Бу хакта авторлар үзләре хәбәр итә.

Альбомга 12 композиция кергән. Шуның тугызы – татарча, берсе ингизчә җыр, икесе – «Мине сине Ходайдан сорадым» «Мин ышанам сиңа, Казан» - Эльмираның вокалыннан тыш инструменталка белән дә бирелгән. Ә футбол уенына багышланган җыр татар һәм инглиз телләрендә башкарыла.

«Җыр тексты авторлары нигездә шагыйрьләр Ренат Харис һәм Резедә Гобәева. Бер җыр Разил Вәлиев шигыренә язылды. Бер җыр инглиз теленә Дмитрий Журавков тәрҗемәсе», - ди Эльмир Низамов.

Эльмира Кәлимуллина белән Эльмир Низамов альбомны үз көчләре белән чыгарганнар. Альбом тулысы белән интернет киңлекләренә урнаштырылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10