ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Мәдәният

Әлмәт драма театры 75 еллык юбилеен билгеләп үтте

7 ноябрь 2019, 08:43 , Фото: mincult.tatarstan.ru

Әлмәт драма театры 75 еллык юбилеен билгеләп үтте Театр коллективына Россия Президентының Рәхмәт хатын, зур уңышларга ирешкән актерларга Россия һәм Татарстан дәүләт бүләкләрен тапшырдылар.

(Казан, 7 ноябрь, "Татар-информ"). Әлмәт татар дәүләт драма театры үзенең 75 еллыгын билгеләп үтте. Бу хакта ТР Дәүләт Советының матбугат хезмәте хәбәр итә.

ТР Дәүләт Советы Рәисе урынбасары Марат Әхмәтов театр җәмәгатьчелеге һәм нефть шәһәрендә яшәүчеләрне мәдәни вакыйга белән котлады. Бәйрәм чарасы шулай ук ТР мәдәният министры урынбасары Ленар Хәкимҗанов катнашында узды.

Театр 75 ел эчендә 300дән артык спектакль куйды. Репертуарның нигезенә татар, рус һәм дөнья драматургиясе шедеврлары, шулай ук заманча авторларның әсәрләре куелган. Бүгенге көндә актерлар труппасы ел саен 8 премьера спектакле чыгара.

Театр коллективына Россия Президенты Рәхмәт хатын, иң зур уңышларга ирешкән актерларга Россия һәм Татарстан дәүләт бүләкләрен тапшырдылар. Марат Әхмәтов, үз чиратында, Дәүләт Советы Рәисенең Рәхмәт хатларын тапшырды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10