ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Фән һәм мәгариф

Самара укучылары арасында татар теленнән олимпиада узачак

7 ноябрь 2019, 05:08

Катнашучыларга дипломнар һәм бүләкләр тапшырылачак.

(Казан, 7 ноябрь, "Татар-информ"). 24 ноябрьдә Самара шәһәр округы белем бирү учреждениесе укучылары арасында мәктәптә татар телен укымаучылар өчен татар теле, әдәбият һәм инглиз теленнән олимпиада узачак. Бу турыда "Самара татарлары" сайтында хәбәр ителә.

Олимпиада туган тел һәм әдәбиятны өйрәнүгә карата кызыксыну уяту, укучыларны традицион халык мәдәнияте белән таныштыру, аларны этнография һәм туган якны өйрәнү эшенә җәлеп итү, сәләтле балаларны ачыклау һәм сайлап алу максатыннан үткәрелә.

Чарада катнашучыларның барысына да "Самара өлкәсе татар эшкуарларына ярдәм күрсәтү ассоциациясе" коммерцияле булмаган оешмасы җитәкчесе һәм әгъзалары исеменнән дипломнар һәм бүләкләр тапшырылачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10