ҺАВА ТОРЫШЫ -2 oC

Яңалыклар

барлык хәбәрләр Татарстан Россия
×

Хәвеф-хәтәр

Актанышта янгын вакытында бер олы кешене һәм өч баланы коткарганнар

6 ноябрь 2019, 16:48

Төтен баскан бинадан 43 кеше мөстәкыйль рәвештә чыгып китә алган.

(Казан, 6 ноябрь, «Татар-информ»). Актанышта күпфатирлы йортта чыккан янгыннан бер олы кешене һәм өч баланы коткарганнар. Бу хакта «Татар-информ» мәгълүмат агентлыгына Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

Бүген көндез 11 сәгать 20 минутта Актанышта Тынычлык проспектындагы күпфатирлы йортта янгын чыгу турындагы хәбәр ашыгыч хезмәтләрне бердәм чакыру 112 номерына килде. Урында 103нче янгын сүндерү часте хезмәткәрләре утның бинаның беренче катындагы фатирны каплап алуын ачыклаган.

Янгын сүндерүчеләр йортның икенче һәм өченче катларындагы фатир тәрәзәләреннән дүрт кешене (бер олы кешене һәм өч баланы) коткарганнар. 43 кеше бинадан мөстәкыйль рәвештә чыгып китә алган.

Төшкә таба янгын сүндерүчеләр янгынны локальләштерү һәм бетерү турында хәбәр иттеләр. Янгын мәйданы 2 квадрат метр тәшкил иткән. Янгын чыгу сәбәпләре ачыклана.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10