ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Фән һәм мәгариф

Югары уку йортларында һәм көллиятләрдә яңа предмет барлыкка килергә мөмкин

6 ноябрь 2019, 15:42

Бөтенроссия халык фронты югары һәм урта белем бирү программаларына «Операцион нәтиҗәлелек» дисциплинасын кертергә тәкъдим итте.

(Казан, 6 ноябрь, «Татар-информ»). Бөтенроссия халык фронты югары һәм урта белем бирү программаларына «Операцион нәтиҗәлелек» дисциплинасын кертергә тәкъдим итте. Бу хакта «Известия» хәбәр итә.

Яңа фән кысаларында сакчыл җитештерү һәм сыйфат менеджменты системаларын, процесслар һәм цифрлы мәгълүматлар белән идарә итүне, шулай ук даими камилләшү культурасы нигезләрен өйрәнергә тәкъдим ителә.

Бөтенроссия халык фронтында яңа дисциплина барлык студентлар өчен дә мәҗбүри характерда булырга тиеш, дип саныйлар.

Басма мәгълүматлары буенча, Икътисади үсеш министрлыгы инициативаны хуплаган, әмма проектны эш төркеме кысаларында алдынгы югары уку йортлары, Бөтенроссия халык фронты һәм ведомствога караган академия вәкилләре белән фикер алышырга кирәк дип тапкан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10