ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Хәвеф-хәтәр

Түбән Кама районында югалган балыкчыны эзлиләр

6 ноябрь 2019, 13:26 , Фото: Валентин Кулагин

Түбән Кама районында югалган балыкчыны эзлиләр
 Елга ярында мотоцикл, резина көймә һәм югалган кешенең шәхси әйберләре табылган.

(Казан, 6 ноябрь, «Татар-информ»). Татарстанның Түбән Кама районында балык тотарга киткәннән соң югалган 40 яшьлек ир-атны коткаручылар эзли. Бу хакта һәлакәт булган урыннан «Татар-информ» мәгълүмат агентлыгы корреспонденты хәбәр итте.

«Билгеле булганча, кичә 40 яшьлек ир-ат балык тотарга киткән һәм бүтән күренмәгән. Соңгы тапкыр аны сишәмбе, 5 ноябрьдә, көндезге сәгать икеләрдә күргәннәр. Поповка авылы янындагы елга ярында мотоциклы, өреп кабартылган көймә һәм әлеге кешенең шәхси әйберләре табылды», - дип сөйләде агентлыкның үз хәбәрчесе.

Хәзер урында 6нчы зона-коткару хезмәткәрләре эшли. Балыкчыны эзләү дәвам итә. Ир-атның батып үлү ихтималы да юк түгел.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10