ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Башкортстан халыклары Дуслык йортының 25 еллыгын билгеләп үттеләр

6 ноябрь 2019, 02:02 , Фото: tatar-congress.org

Башкортстан халыклары Дуслык йортының 25 еллыгын билгеләп үттеләр Бәйрәмне милли кием, кул эшләре күргәзмәләре бизәде.

(Казан, 6 ноябрь, "Татар-информ"). 4 ноябрьдә Башкортстан халыклары Дуслык йорты оешуга 25 ел тулу уңаеннан иҗтимагый оешмалар вәкилләрен һәм җәмәгать эшлеклеләрен котлау чарасы үтте. Бу турыда Бөтендөнья татар конгрессы матбугат хезмәте хәбәр итә.

Чарада йөздән артык кешегә төрле дәрәҗәдәге бүләкләр тапшырылды. Алар арасында Башкортстан Республикасы татарлары милли-мәдәни мөхтәрият Советы рәисе Римма Үтәшева, рәис урынбасары Альбина Хәлиуллина, совет әгъзалары, Уфаның татар гимназияләре директорлары Әнфисә Галимҗанова һәм Равиль Идрисов бар иде. Шулай ук милли оешма җитәкчеләре Дуслык монументына чәчәкләр салу тантанасында да катнашты.

Тантаналы чаралар зур концерт белән тәмамланды. Бәйрәмне милли кием, кул эшләре күргәзмәләре бизәде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10