ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Хәвеф-хәтәр

Тикшерү комитеты Яшел Үзәндә пычак яралары булган парның үтерелүен тикшерә

5 ноябрь 2019, 20:19

Ир белән хатынның мәетен үтерелгәннән соң ун көн узгач фатирларында табып алганнар.

(Казан, 5 ноябрь, «Татар-информ»). Тикшерү комитеты Яшел Үзән фатирында пычак яралары булган ир белән хатынның үтерелү эшен тикшерә. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

2 ноябрь төнендә Паратск урамындагы бер йорт фатирында 53 яшьлек ир һәм 41 яшьлек хатынның мәетләрен тапканнар. Мәетләрдә кадалган-киселгән яра эзләре була.

Башлангыч мәгълүматлар буенча, үлем кимендә ун көн элек булган. Һәлак булучыларны ашыгыч ярдәм хезмәткәрләре ачыклый. Аларга беренчеләрдән булып күршеләр хәбәр итә. Йортта яшәүчеләр аларның спиртлы эчемлекләр куллануларын раслыйлар.

Әлеге факт буенча ике яки аннан да күбрәк кешене үтерү турында җинаять эше кузгатылган, тикшерү бу хәлгә катнашы булырга мөмкин булган затлар даирәсен ачыклый.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10