ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

Россия Президенты порошоксыман алкоголь җитештергән өчен штраф салуны хуплады

5 ноябрь 2019, 09:38

Гражданнар өчен штраф 5-20 мең, вазифаи затларга 20-50 мең, юридик затларга 200-500 мең сум булачак.

(Казан, 5 ноябрь, “Татар-информ”). Россиядә составында спирт булган порошоксыман алкоголь җитештергән өчен административ җаваплылык турында закон үз көченә керәчәк. Россия Президенты Владимир Путин кул куйган документ хокукый мәгълүмат порталында басылып чыккан.

Закон Административ хокук бозулар буенча Россия Кодексының “Спиртлы порошоксыман алкоголь җитештерү яки әйләнешкә кертү” маддәләрен тулыландырачак.

Гражданнар өчен штрафлар 5-20 мең, вазифаи затларга 20-50 мең, юридик затларга 200-500 мең булачак. Шул ук вакытта, җитештерелгән продукцияне конфискацияләү ихтималы да бар.

Алдарак Россия Министрлар кабинеты хәбәр иткәнчә, спиртлы порошоксыман продукция сәламәтлек өчен зыянлы. Чөнки кулланучы “коры алкоголь” куллануның ысулын һәм күләмен үзе теләгәнчә үзгәртергә мөмкин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10