ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Ульяновск өлкәсе халылкары Дуслык йорты утыз еллык юбилеен билгеләп үтә

5 ноябрь 2019, 01:31 , Фото: tatar-congress.org

Ульяновск өлкәсе халылкары Дуслык йорты утыз еллык юбилеен билгеләп үтә Концерт программасы да тулысынча милли сәнгать әсәрләреннән төзелгән иде.

(Казан, 5 ноябрь, "Татар-информ"). Ульяновск өлкәсе халыклар Дуслык йорты 30 еллык юбилеен билгеләп үтә. Бу турыда Бөтендөнья татар конгрессы матбугат хезмәте хәбәр итә.

Әлеге Дуслык йорты яңа Россиядә иң беренчеләрдән ачылган йорт. Шул уңайдан "Губернаторский" мәдәният сараенда зур бәйрәм тантанасы узды. Мең кешелек тамаша залы шыгрым тулы, күпләргә урын җитмәде. Шунысы игьтибарга лаек, тамашачыларның байтагы үз халкының милли киемнәрен киеп килән.

Дуслык йортын котлап, губернатор Сергей Морозов аның эшчәнлегенә югары бәя бирде. "Еллар дәвамында өлкәбездә сез милли бәйрәмнәр, фестивваль-конкурслар уздыру белән генә түгел, ә күп милләтле борынгы Сембер төбәгендә үзара дуслыкны ныгыту, бердәмлекне үстерү буенча да гаять зур эш алып барасыз", - диде һәм Дуслык йорты хезмәткәрләренә дәүләт бүләкләрен тапшырды.

Соңрак өлкәнең сэнгать осталары тамашачыларга бәйрәм концерты тәкъдим иттеләр. Концерт программасы да тулысынча милли сәнгать әсәрләреннән төзелгән иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10