ҺАВА ТОРЫШЫ +2 oC

Яңалыклар

барлык хәбәрләр Татарстан Россия
×

Җәмгыять

Түбән Камада һаваны тикшереп тору белән фин компаниясе шөгыльләнәчәк

5 ноябрь 2019, 07:01 , Фото: tat.e-nkama.ru

Түбән Камада һаваны тикшереп тору белән фин компаниясе шөгыльләнәчәк Компания үлчәү-исәпләү датчиклары белән тәэмин итә.

(Казан, 5 ноябрь, "Татар-информ"). Татарстан Республикасы Экология һәм табигать ресурслары министрлыгында Финляндиянең Vaisala компаниясе вәкиле белән Түбән Камада һава сыйфатын мониторинглау мәсьәләләре каралды. Бу турыда Түбән Кама муниципаль районы рәсми сайтында хәбәр ителә.

Компания үлчәү-исәпләү датчиклары белән тәэмин итә. Исәпләгечләр арасыннан – предприятиеләрдән чыгарыла торган газларның күләмен үлчәү приборлары, шулай ук климаттагы үзгәрешләрне, авыр һава шартларын фаразлаучы автомат метеостанцияләр.

Очрашу барышында, аерым алганда, Түбән Кама сәнәгать узелы территориясендә һаваны тикшереп тору мәсьәләсе каралды. Компания тиешле таләпләр нигезендә атмосфера һавасы торышына күзәтүнең территориаль системасын үстерү буенча үз фикерләрен тәкъдим итә.

“Комплекслы якын килү – безнең мөмкинлекләрне сезнеке белән берләштерү кирәк. Vaisala датчикларыннан файдаланып, юл станцияләрен модернизацияләү, мондый җиһаз белән тулысынча тәэмин итеп җиткерү һәм соңыннан бу тәҗрибәне Россия Федерациясенең башка субъектларына тарату кирәк”, – диде Александр Шадриков. Төп максат – республикада бердәм күзәтчелек үзәге булдыру, дип басым ясап әйтте министр.

Шулай ук компаниянең программаларны, электрон үлчәү системаларын һәм җиһазларны гамәлгә кертү буенча халыкара тәҗрибәсен исәпкә алып, атмосфера һавасын пычратуның күренми торган чыганагының географик координатларын билгеләү мөмкинлеге белән, пычратучы матдәләр хәрәкәтенең математик моделен эшләү мәсьәләләре каралды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10