ҺАВА ТОРЫШЫ 0 oC

Яңалыклар

барлык хәбәрләр Татарстан Россия
×

Рәсми Татарстан

Мәскәүдә татар мәдәнияте бәйрәмендә милли әдәбият күргәзмәсе оештырганнар

4 ноябрь 2019, 12:14

Тантанада катнашучылар милли әдәбият күргәзмәсе белән танышты, татар милли көнкүреш музеенда милли-гамәли сәнгать предметларын карады.

(Казан, 4 ноябрь, «Татар-информ»). Мәскәүдә Россия халыклары мәдәнияте һәм дуслыгының «Без бергә» дип аталган зур бәйрәме узды. Бу турыда «Бөтендөнья татар конгрессы» матбугат хезмәте хәбәр итә.

Бәйрәмне Мәскәүнең татар милли-мәдәни автономиясе шәһәр администрациясе, Мәскәү өлкәсе мөселманнарының мөхтәсибәт җыены һәм Мәскәү өлкәсенең Төбәк татар милли-мәдәни автономиясе белән берлектә оештырды.

Тантанада катнашучылар милли әдәбият күргәзмәсе белән танышты, татар милли көнкүреш музеенда милли-гамәли сәнгать предметларын карады. Бөтен кунакларны татар ашлары белән сыйладылар. Мәскәү өлкәсе Имам-мөхтасибе Даут хәзрәт Мөхетдинов активистларга Рәхмәт хатлары һәм бүләкләр тапшырды.

Мәскәү өлкәсенең төбәк татар милли-мәдәни автономиясе рәисе Фәрит Мохтасаров администрация һәм шәһәр автономиясенә истәлекле бүләкләрен тапшырды. Ул администрациягә автономиянең Татар мәдәнияте үзәген ачу һәм әлеге чараны әзерләү инициативаларына игътибарлы мөнәсәбәте өчен рәхмәт әйтте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10