ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Мәдәният

Апаста Сара Садыйкованың тууына 113 ел уңаеннан истәлекле чара узды

3 ноябрь 2019, 22:03 , Фото: apastovo.ru

Апаста Сара Садыйкованың тууына 113 ел уңаеннан истәлекле чара узды Чарада аның турында төшерелгән махсус видеофильм күрсәтелде.

(Апас, 3 ноябрь, "Татар-информ", "Апастово-информ"). Апаста аның хөрмәтенә куелган бюсты каршында татар композиторы, җырчы, милли көйләрне саклап, Казан, Мәскәү опера театры сәхнәләрендә җырлаган, Апас ягын “Якташларым!“ дип өзгәләнеп яшәгән Сара апа Садыйкованың тууына 113 ел уңаеннан бик матур чара үтте. Бу турыда район басмасы хәбәр итә.

Аның гомеренең соңгы елларында Апаска, Тутайга, Кызылтауга берничә тапкыр кайтып кунак булып китүе, халык, бигрәк тә балалар белән күпләп очрашуы мәгълүм.

"Җидегән чишмә“ җыры Сара апаның Җидекизләүдәге чишмәләр каскады белән танышуыннан соң язылган иң уңышлы һәм озын гомерле әсәре", диде үз чыгышында Апас “Туган якны өйрәнү“ музее директоры Рәмис Ногманов.

Аны якыннан белүчеләр - район башкарма комитеты җитәкчесе урынбасары Луиза Сафина, Мәрьям Хәйрова, Миләүшә Вәлиуллина, Гөлнур Насыйбуллина һәм башкалар да шулай ук истәлек-хатирәләре белән уртаклаштылар.

Тутайдагы Сара Садыйкова музее җитәкчесе Гөлсөя Гайнуллина катнашында төзелгән сценарий буенча бу көнне музейда Сара Садыйкова җырлары яңгырады. Аның турында төшерелгән махсус видеофильм күрсәтелде. Чәй табыны оештырылды.

Апасның Сара Садыйкова урамында яшәүче Зинаида Латыйпова, Сара апаны искә алу чарасына килүчеләр ул туган көн - 1 ноябрьдә үз аллеясында узган искә алу чарасының бик тә истәлекле итеп үтүен әйттеләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10