ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Хәвеф-хәтәр

Тукай районында автобус, автовоз һәм өч җиңел машина бәрелешкән

3 ноябрь 2019, 17:32 , Фото: очевидцы

Тукай районында автобус, автовоз һәм өч җиңел машина бәрелешкән
Юл-транспорт һәлакәте нәтиҗәсендә ике олы кеше һәм 8 яшьлек бала зыян күргән.

(Казан, 3 ноябрь, «Татар-информ»). Тукай районында автобус, автовоз һәм өч җиңел машина бәрелешкән. Бу хакта «Татар-информ»га авария шаһиты хәбәр итте.

Авария бүген М7 трассасында «Колосок-2» бакчачылык ширкәте янында була.

Микроавтобуслар төялгән автовоз алдыннан бара торган җиңел автомобильне бәрдергән. Бәрелүдән машина каршы полосага чыгып китә, анда башка җиңел машина белән капма-каршы бәрелешә. Анысы исә, үз чиратында, вахта автобусына барып бәрелә. Бу хәлләр вакытында машиналарның берсе тагын бер җиңел автомобильне бәрдергән.

Авария вакытында автобуста 20 пассажир булган, аларның берсе дә зыян күрмәгән.

Юл-транспорт һәлакәте нәтиҗәсендә өч кеше зыян күргән, алар арасында 8 яшьлек бала да бар. Барысын да Чаллы хастаханәсенә китергәннәр.

Авария якынча трассаның 1062нче чакрымында булган, шунлыктан анда хәрәкәт кыенлашкан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10