ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Татарстан юлларында урыны белән бозлавык хасил булачак

2 ноябрь 2019, 18:12 , Фото: архив

Татарстан юлларында урыны белән бозлавык хасил булачак Ял көннәрендә буран чыгу ихтималы бар, температура 7 градуска кадәр күтәреләчәк.

(Казан, 2 ноябрь, «Татар-информ»). Иртәгә Татарстанда аязучан болытлы һава торышы көтелә. Төнлә һәм иртән бераз кар явачак. Юлларда урыны белән бозлавык хасил була. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Көндез явым-төшем көтелми. Җил көньяк-көнбатыштан, талгын. Төнлә -2..-7, көндез +2..-3 градус.

Казанда төнлә аязучан болытлы һава. Бераз кар явачак. Җил көньяк-көнбатыштан, талгын. Һаваның минималь температурасы -2..-4 градус. Көндез шулай ук аязучан болытлы һава. Явым-төшем көтелми. Җил көньяк-көнбатыштан, талгын. Һаваның максималь температурасы 0..+2 градус.

4 ноябрьдә Татарстанда болытлы, көндез аязучан болытлы һава. Төнлә һәм иртән бераз явым-төшемнәр көтелә, буран чыгачак. Көндез явым-төшем көтелми. Җил көньяк-көнбатыштан, талгын, көчәйгән вакытта тизлеге секундына 17 метрга кадәр җитәчәк. Төнлә 0..-5, көндез +4..-1 градус.

5 ноябрьдә Татарстанда аязучан болытлы һава. Бераз явым-төшемнәр, юеш кар, урыны белән буран көтелә. Җил көньяк-көнбатыштан, талгын, көчәйгән вакытта тизлеге секундына 19 метрга кадәр җитәчәк. Төнлә +1..-4, көндез +2..+7 градус.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10