ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Табиблар кыска ял вакытында самолетта очмаска киңәш итә

2 ноябрь 2019, 17:56

Әгәр очарга туры килсә, веналар тромбозын профилактикалау белән шөгыльләнергә кирәк.

(Казан, 2 ноябрь, «Татар-информ»). Табиблар кыска вакытлы ял вакытында самолетта очмаска киңәш итә. Әгәр очарга туры килгән икән инде, веналар тромбозын профилактикалау белән шөгыльләнергә кирәк. Бу хакта РИА Новости агентлыгы хәбәр итә.

  • 2 ноябрьдә Россиядә озын яллар башланды: 4 ноябрьдә Россия Федерациясендә Халыклар бердәмлеге көнен билгеләп үтәләр. Бәйрәм дүшәмбегә туры килгәнлектән, яллар өч көн (2, 3 һәм 4 ноябрь) дәвам итәчәк.

«Самолетта очу һәм башка климатка җайлашу безнең организмга бик кыйммәткә төшә, чөнки өч көн эчендә генә җайлашырга мөмкин. Мин кыска вакытлы ял вакытында беркемгә дә самолетта очмаска киңәш итәр идем. Самолетта очу – йөрәк-кан тамырлары системасына, бөтен организмга һәм иммун системасына гаять зур йөкләнеш китерә», - дип саный табиб-терапевт Людмила Лапа.

Авырган вакытта самолетта очу нәтиҗәсендә чир тагын да көчәергә һәм аның башка пассажирларга да йогу куркынычы туарга мөмкин.

Мәскәү сәламәтлек саклау департаментының баш штаттан тыш белгеч терапевты Григорий Арутюнов фикеренчә, самолетта очу – организм өчен стресс ул. Белгеч веналарның сәламәтлеге турында кайгыртырга киңәш итте.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10