ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Фән һәм мәгариф

Студентларны «Беренче курс көне»ндә катнашырга чакыралар

2 ноябрь 2019, 11:58 , Фото: mon.tatarstan.ru

Студентларны «Беренче курс көне»ндә катнашырга чакыралар Фестиваль-бәйгедә журналистика, бию, оригиналь, музыкаль һәм театраль юнәлешләр булачак.

(Казан, 2 ноябрь, "Татар-информ"). 18 ноябрьгә кадәр Казанда югары уку йортлары арасында «Беренче курс бәйрәме - 2019» фестивалендә катнашуга гаризалар кабул ителә. Конкурс гадәттәгечә биш юнәлешне: журналистика, бию, оригиналь, музыкаль һәм театраль юнәлешләрне күздә тота. Бу турыда ТР Мәгариф һәм фән министрлыгы матбугат хезмәте хәбәр итте.

Моннан тыш, быел махсус номинацияләр кертелде - «Татарстан АССРның 100 еллыгы темасына иң яхшы номер» һәм «Бөек Ватан сугышында Җиңүнең 75 еллыгына иң яхшы номер».

Фестивальдә катнашу өчен 18 ноябрь көнне 18.00 сәгатькә кадәр электрон гариза тутырырга кирәк. Формалар журналистика, бию юнәлеше, оригиналь юнәлеш, музыкаль юнәлеш, театр юнәлеше, чит ил студентлары өчен юнәлешләр, Татарстан АССР төзелүнең 100 еллыгына иң яхшы номер, Бөек Ватан сугышында Җиңүнең 75 еллыгына иң яхшы номер.

Профильле юнәлешләр буенча ярышлар 25 ноябрьдән 27 ноябрьгә кадәр узачак. Фестивальнең гала-концерты 4 декабрьгә планлаштырылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10