ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Авыл

Казандагы ярминкәдә Алексей Песошинны кайнар чәй һәм коймак белән сыйладылар

2 ноябрь 2019, 11:16 , Фото: tatarstan.ru

Казандагы ярминкәдә Алексей Песошинны кайнар чәй һәм коймак белән сыйладылар ТР Премьер-министры авыл хуҗалыгы продукциясе җитештерүчеләрдән ярминкәдә сәүдә барышы белән кызыксынды.

(Казан, 2 ноябрь, «Татар-информ», Надежда Гордеева). Бүген Татарстан Премьер-министры Алексей Песошин «Казан» агросәнәгать паркындагы авыл хуҗалыгы ярминкәсендә булды. Хөкүмәт башлыгын һәм башка кунакларны кайнар чәй, мичтә пешкән коймак белән сыйладылар.

Премьер-министрны озатып йөргән ТР авыл хуҗалыгы һәм азык-төлек министры Марат Җәббаров агросәнәгать паркына Әлки, Арча һәм Кукмара районнары җитештерүчеләре үзләренең продукциясен алып килүе хакында хәбәр итте. Моннан тыш, биредә республика агросәнәгать комплексының зур оешмалары да сәүдә итә.

Посещение сельскохозяйственной ярмарки в агропромпарке «Казань»

Авыл хуҗалыгы продукциясе җитештерүчеләр товарларның бай ассортиментын, шул исәптән бәрәңге һәм яшелчә, ит, балык, сыр, он, ярма, май, бал, йомырка, сөт продуктлары, шикәр комы һ.б. продукция тәкъдим итте.

Алексей Песошин сәүдә рәтләре буйлап узды, сатучылар һәм сатып алучылар белән аралашты, сәүдәнең ничек баруы белән кызыксынды. Ул шулай ук тәкъдим ителгән продукциянең бәяләре һәм ассортименты белән кызыксынды, аларның сыйфатына бәя бирде.

Посещение сельскохозяйственной ярмарки в агропромпарке «Казань»

«Сатып алучылар бармы?» - дип сорады сатучылардан Алексей Песошин. Һәм үз соравына бер үк төрле диярлек җаваплар алды: «Сатып алучылар һәрвакыт бар», «Әйе, кешеләр килә», «Әлбәттә, чөнки бөтен продукциябез дә тәмле, барысы да халык өчен». «Товарлар сатыла, продукциягә ихтыяҗ бар», - дип ышандырды «Татагролизинг» генераль директоры Азат Җиһаншин.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10