ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Кукмарада яшәүчеләр этнографик диктант язды

1 ноябрь 2019, 23:32 , Фото: kukmor-rt.ru

Кукмарада яшәүчеләр этнографик диктант язды Сораулар география, этнография, тарих һәм халыкның тормыш-көнкүреше турында иде.

(Кукмара, 1 ноябрь, "Татар-информ",  "Хезмәт даны"). Халыклар бердәмлеге көне алдыннан Кукмара гимназиясендә "Зур этнографик диктант" үткәрелде. Әлеге чарада 55 кеше катнашты. Бу турыда район басмасы хәбәр итә.

Диктантны оештыручыларның бурычы - катнашучыларның үткәннәр һәм бүген янәшәбездә яшәүче милләт вәкилләре белән кызыксынуларын, алар турында күбрәк белергә омтылышларын көчәйтү.

Диктант тест формасында уздырылды. Бирем утыз сораудан тора, егермесе һәркем өчен гомуми булса, унысы аерым төбәкләргә кагылышлы. Аларга җавап бирү өчен 45 минут вакыт бирелә.

Сораулар география, этнография, тарих һәм халыкның тормыш-көнкүреше турында иде. Мәсәлән, биремнәрдә нинди халык ат итен кулланмавын, яки кайсы халыкларда гөмбә ризыклары киң таралыш алганын ачыкларга кирәк иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10