ҺАВА ТОРЫШЫ -2 oC

Яңалыклар

барлык хәбәрләр Татарстан Россия
×

Татар дөньясы

Димитровград татар мәктәбе 15 еллык юбилеен билгеләп үтте

1 ноябрь 2019, 03:06

Мәктәпнең яхшы даны бөтен татар дөньясына таралган.

(Казан, 1 ноябрь, "Татар-информ"). Узган атна ахырында Димитровград шәhәренең Габдулла Тукай исемендәге 22 нче урта мәктәбендә бәйрәм узды. Тантана милли мәгариф учагының 15 еллык юбилеена багышланган иде. Бу турыда "Өмет" газетасы хәбәр итә.

Мәктәп директоры Мөнирә Джумаева белем бирү оешмасының казанышлары хакында сөйләде. Унбиш ел буе бары тик үсеш юлыннан баручы мәгариф учагының эш нәтиҗәләре сокланырлык та, горурланырлык та, күпләргә үрнәк тә булырлык.

Балалар төрле олимпиадаларда катнашып җиңү яулый, Бердәм дәүләт имтиханнарын югары балларга тапшырып вузларга керәләр. Шуңа күрә яхшы даны бөтен татар дөньясына таралган мәктәпнең халык арасында абруй-дәрәҗәсе бик тә югары. Беренче сыйныфка ел саен утыздан артык бала килүе шул хакта ачык сөйли.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10