ҺАВА ТОРЫШЫ -12 oC

Яңалыклар

барлык хәбәрләр Татарстан Россия

Рәсми Татарстан

Алексей Песошин: Татарстанның үсеш нигезе – халыкларның бердәмлегендә

31 октябрь 2019, 12:40 , Фото: tatarstan.ru

Алексей Песошин: Татарстанның үсеш нигезе – халыкларның бердәмлегендә ТР Премьер-министры 61 кешегә Россия һәм Татарстанның дәүләт бүләкләрен тапшырды.

(Казан, 31 октябрь, «Татар-информ», Диана Авакян). ТР Премьер-министры Алексей Песошин Халыклар бердәмлеге көне алдыннан Россия һәм Татарстанның дәүләт бүләкләрен тапшырды. Тантаналы чара Казан Кремлендә узды.

«Тарихи тәҗрибә күрсәткәнчә, бары тик Россия халкының берләшүе генә илдә тотрыклылык хөкем сөрүенә һәм халыкара дәрәҗәдә зур җиңүләргә китерә. Үз чиратында, Россиянең әйдәп баручы субъектларыннан берсе булган Татарстан Республикасы мәдәни традицияләрнең күпкырлылыгы белән аерылып тора. Ул - үз территориясендә яшәүче халыкларның берләшүендә уникаль үрнәк. Республикабызның социаль-икътисади үсеш нигезе - нәкъ менә шушы бердәмлектә», - диде Премьер-министр.

Церемония вручения Премьер-министром Республики Татарстан А.В.Песошиным государственных наград Российской Федерации и Республики Татарстан

Барлыгы 61 кеше – сәнәгать, төзелеш, транспорт предприятиеләре хезмәткәрләре, мәгариф, спорт, социаль, медицина өлкәләрендә эшләүчеләр, мәдәният һәм сәнгать эшлеклеләре, көч, дәүләт һәм муниципаль учреждение хезмәткәрләре, шулай ук хезмәт ветераннарына дәүләт бүләкләре тапшырылды.

Церемония вручения Премьер-министром Республики Татарстан А.В.Песошиным государственных наград Российской Федерации и Республики Татарстан

Спорт һәм социаль проектлар дирекциясе җитәкчесе урынбасары Максим Денисов Россия Президентының Рәхмәт хатына лаек булды. Әлеге бүләкне ул үзенә карата зур хөрмәт билгесе дип атады.

  • Россиядә Халыклар бердәмлеге көне 4 ноябрьдә билгеләп үтелә. Халыклар бердәмлеге көненең рәсми хэштегы - #мыедины.

 Церемония вручения Премьер-министром Республики Татарстан А.В.Песошиным государственных наград Российской Федерации и Республики Татарстан


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10