ҺАВА ТОРЫШЫ -12 oC

Яңалыклар

барлык хәбәрләр Татарстан Россия

Икътисад

РФ Финанс министрлыгы илнең 19 төбәгенә үзмәшгульләр өчен салым режимын кертәчәк

31 октябрь 2019, 12:14

Октябрь ахырына 40 меңнән артык татарстанлы, үзмәшгуль булып теркәлеп, үз бизнесларын легальләштергән.

(Казан, 31 октябрь, «Татар-информ»). Россия Финанс министрлыгы үзмәшгульләр өчен салым режимын илнең тагын 19 төбәгендә кертергә тәкъдим итте. Бу хакта хокукый мәгълүмат порталындагы закон проектында хәбәр ителә.

«2020 елның 1 гыйнварыннан федераль әһәмияткә ия Санкт Петербург шәһәрендә, Воронеж, Волгоград, Ленинград, Түбән Новгород, Новосибирск, Омск, Ростов, Самара, Сахалин, Свердловск, Төмән, Чиләбе өлкәләрендә, Красноярск һәм Пермь крайларында, Ненец автономияле округында, Ханты-Манси автономияле округы — Юграда, Ямал-Ненец автономияле округында һәм Башкортстан Республикасында үзмәшгульләр өчен салым режимы гамәлгә кертеләчәк», - диелә хәбәрдә.

Моңа кадәр «Татар-информ» агентлыгы хәбәр иткәнчә, октябрь ахырына инде 40 меңнән артык татарстанлы, үзмәшгуль булып теркәлеп, үз бизнесларын легальләштергән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10