ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Мәдәният

“Мәдәният” илкүләм проекты буенча яңа китапханәләр һәм мәдәният йортлары ачылды

31 октябрь 2019, 08:00 , Фото: Т.Волкова рәсеме

“Мәдәният” илкүләм проекты буенча яңа китапханәләр һәм мәдәният йортлары ачылды Быел Татарстанда мәдәни билгеләнештәге 52 объект файдалануга тапшырылды.

(Казан, 31 октябрь, "Татар-информ"). 2019 елда “Мәдәни мохит” төбәк проекты һәм “Мәдәният” илкүләм проекты кысаларында Татарстанда мәдәни билгеләнештәге 52 объект файдалануга тапшырылды, ә ел азагына кадәр тагын 9 объектта төзелеш һәм ремонт эшләре төгәлләнергә тиеш.

Әлмәт, Алексеевск һәм Минзәлә районнарында өч мәдәният йорты төзелеше төгәлләнеп килә. Проектны гамәлгә ашыру ярдәмендә кино карау шартлары да яхшыра, мәсәлән, Алабуга һәм Яңа Чишмәдәге 2 кинозалда, шулай ук Осиново бистәсендәге 4 шәхси залда яңа җиһазлар урнаштырылды.

Моннан тыш, Татарстанда ике модель китапханә пәйда булды, алар Яшел Үзән һәм Кукмара районнарында ачылды. Андый яңа буын китапханәләрдә абунә һәм уку залы гына түгел, ә балалар зонасы, фикер алышулар мәйданчыгы, китаплар алмашу – буккроссинг зонасы да бар. Модель китапханәләрдә тыныч кына аулакта китап уку урыннары булдырылган, заманча мәгълүмати технологияләр файдаланыла. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10