ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Хәвеф-хәтәр

«Биектау коммуналь челтәрләре» директорын ришвәт алуда шикләнеп тоткарлаганнар

30 октябрь 2019, 20:15

Аны законсыз рәвештә 70 мең сум акча алган дип шикләнәләр, диде агентлык чыганагы.

(Казан, 30 октябрь, «Татар-информ»). Ришвәт алуда шикләнеп «Биектау коммуналь челтәрләр» директорын тоткарлаганнар. Бу турыда «Татар-информ» агентлыгының үз чыганакларыннан билгеле булды.

Чыганак мәгълүматлары буенча, Татарстан буенча Эчке эшләр министрлыгының Икътисади иминлек һәм коррупциягә каршы көрәш идарәсе хезмәткәрләре компания җитәкчесен һәм бу эштә катнашкан тагын бер кешене тоткарлаган.

Законсыз рәвештә 70 мең сум акча алу турында сүз бара. Бу эштә катнашы булган тагын бер кеше ришвәт алуда арадашчы булуда шикләнелә.

Бу факт буенча Россия Тикшерү комитетының Татарстан буенча Тикшерү идарәсендә җинаять эше кузгатылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10