ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Татарстан синоптиклары буран һәм юеш кар турында кисәтә

30 октябрь 2019, 18:29 , Фото: архив/Михаил Захаров

Татарстан синоптиклары буран һәм юеш кар турында кисәтә Көндез республикада һава температурасы +1 градус кына булачак.

(Казан, 30 октябрь, «Татар-информ»). Иртәгә, 31 октябрьдә, иртән һәм көндез Татарстанның кайбер районнарында буран көтелә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Моннан тыш, төнлә республиканың көньяк-көнбатышында юеш кар явачак. Шул ук вакытта көньяк-көнчыгыштан төньяк-көнбатышка күчүчән җил.

Тәүлек дәвамында юлларда бозлавык булачак, дип кисәтелгән Татарстан синоптикларының һава шартлары начарлануы турында тараткан хәбәрдә.

Төнлә һава температурасы -5 градус булачак. Көндез һава температурасының -3...+1 градус булуы көтелә. Төбәкнең көньяк һәм көньяк-көнбатышында җылырак булачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10