ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Хәвеф-хәтәр

Казан вокзалында хатын-кыздан ноутбук урлаган егет тоткарланган

30 октябрь 2019, 12:42

Егет җайланманың зарядкада булуын һәм аны беркем дә карап тормавын күргән һәм аны урларга карар кылган.

(Казан, 30 октябрь, «Татар-информ»). Полицейскийлар «Казан» вокзалында пассажир ханымнан ноутбук урлаган егетне тоткарлаган. Бу хакта шәһәр транспорт полициясе матбугат хезмәтендә хәбәр иттеләр.

Полициягә хатын-кыз мөрәҗәгать иткән. Ул махсус билгеләнгән урында зарядкага куйган ноутбук югалуын хәбәр иткән.

Тиздән полицейскийлар кайнар эздән 25 яшьлек егетне тоткарлый. Ул җайланманың караучысыз калганлыгын һәм аны урларга ниятләгәнен әйткән.

Әлеге факт нигезендә «Урлау» маддәсе буенча җинаять эше кузгатылган. Егеткә биш елга кадәр ирегеннән мәхрүм ителү куркынычы яный.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10