ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Мәдәният

Уфада Мәҗит Гафури истәлегенә багышланган чаралар уздыралар

30 октябрь 2019, 09:42

Мәҗит Гафури - татар язучысы, шагыйрь, фольклорчы, драматург, татар әдәбияты классигы.

(Казан, 30 октябрь, «Татар-информ»). Уфада Мәҗит Гафури истәлегенә багышланган чаралар уза. Бу хакта Бөтендөнья татар конгрессы матбугат үзәге хәбәр итә.

  • Мәҗит Гафури - татар язучысы, шагыйрь, фольклорчы, драматург, татар әдәбияты классигы.

Кичә әдипнең мемориаль музей - йортында Мәҗит Гафури истәлегенә багышланган бәйрәм узды. М. Гафуриның шигырьләре һәм әсәрләреннән өзекләр яңгырады.

Мәҗит Гафури мемориаль музей-йорты 1948 елның гыйнварында ачыла. Музейда барлыгы алты зал. Музейның алты залыннан өчесе - кунак бүлмәсе, йокы бүлмәсе һәм эш кабинеты, 1923 елдан алып 1934 елга кадәр гаиләсе белән Мәҗит Гафури яшәгән бүлмәләр интерьерында торгызыла. Калган өчесе халык шагыйренең тормышы һәм иҗаты турындагы экспозицияләрне үз эченә ала.

Йортта шагыйрьнең фатир сурәтләнеше, кулъязмалары һәм документлары, XX гасыр башы йорты интерьерының детальләре саклана. Музей фондларында Мәҗит Гафури кулъязмалары, мемориаль әйберләр сакланышта тора.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10