ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Җәмгыять

Казан аэропорты яңа халыкара һәм эчке авиарейслар ачты

30 октябрь 2019, 07:09

Кышкы сезонда Казаннан Мәскәүгә көнгә уртача 18 рейс башкарыла.

(Казан, 30 октябрь, «Татар-информ»). Казан халыкара аэропортында яңа эчке һәм халыкара юнәлешләр ачылды. Бу хакта Казан халыкара аэропортының матбугат хезмәте хәбәр итә.

30 октябрьдән Казан – Будапешт даими рейслары эшли башлый. Рейслар чәршәмбе һәм якшәмбе көннәрендә башкарылачак. 1 ноябрьдән Казан – Ла-Романа (Доминикана) маршруты буенча туры трансатлантик очыш оештырылачак. 520 пассажир сыйдырышлы Boeing 777-300 лайнеры 14 көнгә бер тапкыр очачак.

Якшәмбе көнне Екатеринбург аша Кытай Харбинына яңа рейс барлыкка киләчәк. Төркиянең Анталия шәһәренә рейсларның киң очыш программасы да кышкы сезонның яңалыгы булачак. Моннан тыш Стамбул һәм Дубай рейслары да артачак.

Шулай ук традицион кышкы туристлык юнәлешләре дә тәкъдим ителә: Санья (Кытай), Утапао (Паттайя), Пхукет, Камрань һәм Гоа.

Ноябрьдән март аена кадәр Якутск шәһәренә яңа рейс ачыла. Очулар якшәмбе көннәрендә Екатеринбург аша башкарылачак.

29 октябрьдән Череповецка рейс ачыла. Шулай ук бу кышта Сочи, Краснодар, Мәскәү һәм Санкт-Петербургка да очышлар саны артачак. Кышкы сезонда Казаннан Мәскәүгә көнгә уртача 18 рейс башкарыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10