ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Икътисад

Югары уку йортын тәмамлаган яшь белгечләрнең эшкә урнашуын күзәтеп торачаклар

29 октябрь 2019, 13:50 , Фото: архив/Александр Эшкинин

Югары уку йортын тәмамлаган яшь белгечләрнең эшкә урнашуын күзәтеп торачаклар Денис Васильев искәрткәнчә, бүгенге көндә кеше югары уку йортында алган күнекмәләр һөнәрнең үзенә караганда да әһәмиятлерәк.

(Казан, 29 октябрь, «Татар-информ»). РФ Хезмәт һәм социаль яклау министрлыгы 2020 елның гыйнварында югары уку йортларын тәмамлаган яшь белгечләрнең траекториясенә күзәтчелек итәргә мөмкинлек бирә торган сервис эшләтеп җибәрәчәк. Бу хакта ТАСС агентлыгы хезмәт һәм социаль яклау министры урынбасары Всеволод Вуколовка сылтама белән хәбәр итә.

«Без махсус сервис булдырдык, ул киләсе елның гыйнварында эшли башлаячак һәм югары уку йортын тәмамлаган гражданинның кайда эшкә урнашуына күзәтчелек итәчәк», - диде ул.

Хезмәт һәм мәшгульлек федераль хезмәте башлыгы урынбасары Денис Васильев искәрткәнчә, бүгенге көндә кеше югары уку йортында алган күнекмәләрнең һөнәрнең үзенә караганда да әһәмияте зуррак. «Икътисадка ихтыяҗ системасы һәм күнекмәләргә булган тәкъдимнәр күзлегеннән карарга мөмкин», - дип саный ул.

28 октябрьдән 1 ноябрьгә кадәр Екатеринбургта сәнәгать предприятиеләре хезмәткәрләре арасында һөнәри осталык буенча ярышлар уза.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10