ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Хәвеф-хәтәр

Казанда медицина үзәгенә карата җинаять эше кузгатылган

29 октябрь 2019, 09:43

Тернәкләндерү үзәгендә медицина кабинетлары тиешенчә җиһазландырылмаган булган, куллану вакыты чыккан дарулар башка препаратлар белән бергә сакланган.

(Казан, 29 октябрь, «Татар-информ»). Прокуратура тикшергәннән соң Казанның «Тервейс» медицина үзәгенә карата җинаять эше кузгатылган. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.

Ачыкланганча, тернәкләндерү үзәгендә медицина кабинетлары тиешенчә җиһазландырылмаган булган, куллану вакыты чыккан дарулар башка препаратлар белән бергә сакланган. Моннан тыш, кайбер медицина процедуралары алдан табиб-косметолог тикшергәнче үткәрелгән, яраклылык вакыты чикле дарулар исә контрольдә тотылмаган.

Тикшерү нәтиҗәләре буенча «Куркынычсызлык таләпләренә җавап бирми торган хезмәтләр күрсәтү» маддәсе буенча җинаять эше кузгатылган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10