ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Яман шеш авыруы уртача ничә яшьтә барлыкка килүе билгеле

28 октябрь 2019, 11:14

Ир-атларда яман шешне уртача 64,9 яшьтә, хатын-кызларда исә 64,2 яшьтә ачыклыйлар.

(Казан, 28 октябрь, «Татар-информ»). Россиядә онкология авырулары уртача 64,5 яшьтә ачыклана. Бу хакта RT телеканалы Россия клиник онкология җәмгыятенә сылтама белән хәбәр итә.

Ир-атларда яман шешне уртача – 64,9, хатын-кызларда исә 64,2 яшьтә ачыклыйлар. 2008 елда әлеге күрсәткеч 63,8 һәм 63,3 яшь тәшкил иткән.

Экспертлар искәрткәнчә, ир-атлар арасында онкология авырулары  71,3 процент, хатын-кызлар арасында 65,8 процент очракта 60 яшьтән узгач ачыклана.

Күкрәк бизендә яман шеш уртача  60-74, туры эчәктәге яман шеш 66,6, үпкә рагы 65 яшьтә барлыкка килә.

Моңа кадәр билгеле булганча, теркәлгән барлык яман шеш очракларының күпчелеген тире рагы (меланомадан тыш) белән авыручы пациентлар (78,5 мең очрак) тәшкил иткән. Күкрәк бизендәге яман шеш (70,3 мең очрак) – икенче урында.

Иң киң таралган онкология авыруларына шулай ук трахея, бронх һәм үпкә рагы, мәни бизе һәм эчәклектәге яман шеш кергән. Үлем очракларының күбесе (39,9 процент) ашказаны астындагы яман шеш вакытында теркәлгән.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10