ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Мәдәният

«Туган тел» татар җыры конкурсы Мостай Кәримнең 100 еллыгына багышланачак

27 октябрь 2019, 16:51

Иҗади ярышларда 16 яшьтән 35 яшькә кадәрге ялгыз башкаручылар катнашачак.

(Казан, 27 октябрь, «Татар-информ»). 1-2 ноябрьдә Башкортстанны Дүртөйле шәһәренең В.Горшков исемендәге Яшьләр үзәгендә «Туган тел» татар җырын башкаручыларның XIII республика бәйгесе узачак. Быел конкурс Мостай Кәримнең 100 еллыгына багышланачак. Бу турыда «Башинформ» хәбәр итә.

Чара музыкаль җыр иҗатын пропагандалауга, халык традицияләрен саклап калуга һәм үстерүгә, яшь талантлы башкаручыларны ачыклауга, яшь башкаручыларны иҗади эшчәнлекләрен стимуллаштыруга, аларга һөнәри осталыкны, сәнгати зәвыкны камилләштерүдә һәм яшьләрнең ялын оештыруда ярдәм итүгә юнәлтелгән.

Иҗади ярышта 16 яшьтән 35 яшькә кадәрге ялгыз башкаручылар катнашачак. Катнашучылар татар халык җырын, татар телендә композитор язган җырны, халык уен кораллары катнашында татар халык җырын яки минус фонограммасына татар телендә композитор язган җырны башкарачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10