ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда юл һәлакәтендә ике бала һәм йөртүче зыян күргән

27 октябрь 2019, 13:21

Һәлакәт Яңа Чишмә районында Казан – Оренбург юлында булган.

(Казан, 27 октябрь, «Татар-информ»). Татарстанда Башкортстаннан килгән «ГАЗель» белән җиңел машина катнашындагы һәлакәттә ике бала һәм йөртүче имгәнгән. Бу турыда шаһитлар хәбәр итте.

Һәлакәт кичә кич Яңа Чишмә районында Казан – Оренбург юлының 175нче чакрымында булган. Татар Әдәмсәсе авылында «ГАЗель» һәм уникенче модельле «Лада» автомобиле бәрелешкән.

Бәрелешкәннән соң, «ГАЗель» юл кырыена төшеп киткән, ә җиңел машина руле артындагы хатын-кыз кысылып калган. Аның ике һәм дүрт яшьлек улларын шаһитлар чыгарган. 

Юл һәлакәтендә имгәнгән 28 яшьлек хатын-кызны һәм аның балаларын Чистай хастаханәсенә озатканнар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10