ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Мәдәният

«Урал батыр» эпосын кыргыз теленә тәрҗемә иткәннәр

27 октябрь 2019, 10:23

«Башкорт теле кыргыз теленә бик охшаган булганга, тәрҗемә итү җиңел булды», - диде эпосны тәрҗемә иткән галим.

(Казан, 27 октябрь, «Татар-информ»). Башкортның «Урал батыр» эпосы кыргыз теленә тәрҗемә ителгән һәм быел ук басылып чыгачак. Бу турыда «Башинформ » хәбәр итә.

«Башкорт теле кыргыз теленә бик охшаган булганга, тәрҗемә итү җиңел иде. Кайбер урыннарны тәрҗемәсез дә аңладым. Мәсәлән, башкорт эпосының башлангыч юллары кыргыз телендәге кебек яңгырый. Моннан тыш, «Урал батыр» «Манас» кыргыз эпосы теленә бик охшаган», - дип сөйләде Кыргызстан галиме, филология фәннәре докторы, Ч.Айтматов исемендәге Тел һәм әдәбият институты профессоры Ибраим Абдулвәлиев.

«Эпос фольклор телендә язылган. Бу - борынгы тел, анда неологизмнар юк. Фольклор бит сюжет белән генә түгел, тел белән дә саклана. Без бу ел ахырына кадәр «Урал батыр»ны бастырып чыгарырга планлаштырабыз. Шулай итеп, «Манас»ка өстәмә буларак, кыргыз телендә тагын бер героик эпос булачак», - диде ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10