ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Шешә тапшырган өчен бонус белән транспортта түләү мөмкинлеге булдырырга җыеналар

25 октябрь 2019, 21:26

Россиядә транспорт инфраструктурасы объектларында махсус автоматлар урнаштырып, эчемлекләрдән бушаган савытларны җыя башларга ниятлиләр.

(Казан, 25 октябрь, «Татар-информ»). Россия Транспорт министрлыгы,  ведомстволар һәм метрополитены субъектлар белән бергә, транспорт инфраструктурасы объектларында махсус автоматлар урнаштыру мәсьәләсен тикшерә. Буш савыт тапшырып, юл бәясенең бер өлешен бонуслар белән түләп булачак. Бу турыда Россия Транспорт министрлыгы матбугат хезмәтенә сылтама белән РИА Новости хәбәр итә.

  • Фандоматлар - шешәләрне һәм банкаларны алга таба эшкәртү өчен кабул итә торган махсус автоматлар.

Россия Транспорт министрлыгы, Табигый ресурслар һәм экология министрлыгы, Сәнәгать һәм сәүдә министрлыгы, Россия экология операторы, Федераль салым хезмәте, Росприроднадзор, Роспотребнадзор, «Россия тимер юллары» ААҖ,  метрополитен булган субъектлар бу тәкъдимне өйрәнә.

«ТР-Инвест» башлыгы Андрей Шипелов агымдагы елның җәендә РИА Новости агентлыгына интервьюсында шешәләрне җыю буенча фандоматларны җәмәгать урыннарында - метрода, стадионнарда һәм югары уку йортларында куярга кирәк, дип әйтте.

Компания фандоматларны урнаштырырга һәм эчемлекләрдән бушаган савытларны җыю белән шөгыльләнергә әзер.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10