ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Рәсми Татарстан

Миңнеханов Казан коммуналь өлкә хезмәткәрләренә яңа техника ачкычын тапшырды

25 октябрь 2019, 16:32 , Фото: tatarstan.ru

Миңнеханов Казан коммуналь өлкә хезмәткәрләренә яңа техника ачкычын тапшырды
Бүген республиканың коммуналь хезмәтләренә барлыгы 12 махсус машина тапшырылды.

(Казан, 25 октябрь, «Татар-информ»). Казанда бүген шәһәрнең коммуналь хезмәтләренә яңа махсус техника тапшыру тантанасы узды. Чарада Татарстан Президенты Рөстәм Миңнеханов, Россия Төзелеш министрлыгы башлыгы Владимир Якушев, шулай ук Татарстан Төзелеш, архитектура һәм ТКХ министрлыгы башлыгы Ирек Фәйзуллин катнашты. Бу турыда республика җитәкчесенең матбугат хезмәте хәбәр итә.

Татарстан башкаласының коммуналь өлкә хезмәткәрләре ун себерү-вакуум техникасы алды, тагын ике махсус машина Алабугага һәм Чистайга тапшырылачак.

Владимир Якушев сүзләренчә, Татарстанда ел саен махсус техника паркын яхшыртуга зур акчалар бүлеп бирелә. Бу татарстанлыларга сыйфатлы хезмәт күрсәтүгә җитди йогынты ясый.

Рөстәм Миңнеханов сүзләренчә, бүген Татарстан коммуналь өлкә хезмәткәрләренә тапшырылган яңа машиналар - Россиядә җитештерелгән заманча техника, ул шәһәрне тагын да чистарак һәм матуррак итәргә мөмкинлек бирәчәк.

«Без муниципалитетларыбызның матди-техник базасын актив яңартабыз. Һәр муниципаль берәмлек яңа коммуналь техника ала. Шулай ук «КАМАЗ» автомашиналарына капиталь ремонт ясала, бу да бик мөһим», - дип сөйләде Татарстан Республикасы Президенты.

Сүз уңаеннан, 2018 елда республика муниципалитетлары ихтыяҗлары өчен 117 берәмлек коммуналь техника сатып алынган.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10